O ciclo que o Ourense Film Festival dedica a Ingmar Bergman terá entrada gratuíta

O ciclo que se proxectará no Cine Clube Padre Feijoo programa 6 películas do director sueco.

Ourense, 29 de novembro. O ciclo de películas que rende homenaxe ao lexendario director Ingmar Bergman no Ourense Film Festival (OUFF) terá entrada libre ata completar aforo. Trátase da proxección dos títulos “Sueños”, “Sonrisas de una noche de verano”, “Un verano con Mónica”, “El séptimo sello”, “Fresas salvajes” e “El rostro”, que poderán verse no Cine Clube Padre Feijoo.

Con esta medida, o Ourense Film Festival quere facilitar o acceso ao cine dun dos grandes cineastas europeos do século XX, de quen neste 2018 se cumpren 100 anos do seu nacemento.