A metade da vida

Raúl Veiga (Santiago de Compostela, 1956)

Director e guionista de cinema. Deuse a coñecer escribindo o célebre vídeo “Veneno puro” (1984, gañador de varios premios internacionais) e pasou á pantalla grande co guión da longametraxe “Continental” (1989). Fixo de axudante de dirección en 1990-1991 e dedicouse xa en exclusiva a dirixir os seus propios guións a partir de “A metade da vida” (1994), única longametraxe rodada en galego e con actores galegos nos papeis protagonistas durante os anos 90. “Arde amor” (que inaugurou o OUFF en 1999) foi a súa segunda longametraxe e mereceu múltiples premios, dous deles en festivais dos USA. Tamén ten practicado a crítica cinematográfica, a análise de filmes –da que resultou o libro “Esta noite no cinema”, 2005, finalista do premio de ensaio da AELGA– e foi membro do xurado en varios festivais internacionais. O documental “El médico atento” (2014) é a súa última longametraxe. Tamén escribiu e dirixiu a curtametraxe “El médico seriamente enfermo” (2014). Como guionista, o seu traballo máis recente é o telefilme “Contou Rosalía” (estreado en 2018), baseado na obra e na vida de Rosalía de Castro.