16 películas que participaron no OUFF están entre as candidaturas para os Goya 2021

Un total de 16 títulos que formaron parte da 24 e da 25 edición do Festival de Cinema de Ourense – OUFF están nas candidaturas para os Premios Goya 2021, os galardóns máis importantes do cinema español. Os nomeados definitivos daranse a coñecer o vindeiro luns, 11 de xaneiro na sede da Academia de Cinema. Os actores Ana Belén e Dani Rovira, ambos os gañadores do Goya, serán os encargados de anuncialas.

As películas do 25 OUFF con máis precandidaturas aos Goya son “La boda de Rosa” e “A illa das mentiras”, competindo cada unha delas nun total de 15 categorías. A galega “Arima” é candidata en 12 categorías. A isto hai que sumar que tódolos filmes españois que participaron no OUFF son candidatos a mellor película na categoría de longametraxes e de documentais. En total, as películas proxectadas no OUFF con precandidaturas son 16, que suman 85 prenominaciones nas diferentes categorías establecidas (dirección, película, guión, fotografía, montaxe, actor, curtametraxe, director novel, película iberoamericana, película europea, produción, etcétera).

As películas que resulten nomeadas aos Goya 2021 coñecerán aos seus gañadores nunha gala que se celebrará no Teatro do Soho o 27 de febreiro en Málaga. O actor malagueño Antonio Banderas e a xornalista catalá María Casado exercerán como presentadores e directores do acto. A gala contará con conexións desde outras cidades para adaptarse á actual situación epidemiolóxica.