|
Benvida da Presidenta do Consorcio
Arranca
unha nova andaina
A
Ourense gústalle o cine. As películas e os cines. Incríbel é a
sensación de estarmos nun espazo pechado, experimentando sensacións e
sentimentos diferentes xunto a descoñecidos que tamén se están
emocionando e gozando, baixo a protección da escuridade da sala. Grazas
ao cine podemos trasladarnos á antiga Grecia e sermos Ulises na procura
da nosa Ítaca ou viaxarmos ao futuro para comprobarmos que xa todo
estaba inventado. Nun cine compartimos o amor e a amizade e son para as
cidades espazos de referencia e memoria histórica. Desde as sesións continuas do Principal e o cine ao ar libre Airiños até os cines de barrio. As salas, que xa non existen mais acompañaron xeracións de ourensáns, forman parte das nosas vidas: o Losada, o Avenida, o Xesteira, o Mary, o Yago na Ponte ou a sala parroquial de Fátima. O Cine Club Padre Feijoó. E os máis recentes Pequeno Cine, Novo Cine, Dúplex ou Box. Nos cines choramos, rimos, sufrimos e gozamos, puxémonos de parte do protagonista ou solidarizámonos cos máis débiles.
Eis a razón pola que manter a maxia do cine e reivindicar a súa función cultural e social. Eis a necesidade dun Festival de Cine en Ourense.
Mais un festival de cine cumpre hoxe unha outra función: serve para colocarnos no mundo. Nun mundo en continua transformación, Ourense debe buscar o seu lugar, chegando ao universal desde a nosa idiosincrasia. E así, guiados por un principio de diversidade, de creatividade e innovación, nesta nova edición quixemos lanzar unha mensaxe global que obtivo resposta. Nos vindeiros días producións galegas convivirán en Ourense con outras procedentes de todas as partes do planeta. Historias inéditas das que é todo un luxo podermos gozar.
O Festival de Cine Internacional de Ourense será, ademais, a primeira cita no calendario galego. Un Festival xerador de riqueza cultural e económica, que só florece grazas ao impulso da educación e as industrias culturais. Esa é a maxia desta sétima arte.
Que Ourense goce do cine, do bo cine, do tradicional e comercial, do alternativo e independente, do cine de animación e das novas expresións audiovisuais... Ese é o meu desexo.
Convídovos a pasar e ver.
Isabel Pérez González
Concelleira de Cultura
Presidenta
do Consorcio do Festival de Cine Internacional de Ourense <<voltar arriba
Benvida do Presidente da Deputación
 O Festival de Cine Internacional de Ourense retorna un ano máis ao seu encontro co público e co sector do audiovisual, co desexo de ser un elemento expresivo da vida do audiovisual galego, por certo un dos sectores con maior crecemento dentro da nosa comunidade autónoma, ademais de incorporar notables referencias da producción cinematográfica nacional e internacional.
Xa consolidado, nos últimos anos o festival parece querer tomar diferentes rumbos que deben definirse de maneira sólida.
En todo caso, a constancia no apoio e respaldo desta importante iniciativa cultural dende a Deputación provincial de Ourense – nos últimos dous anos incrementamos a nosa aportación nun 50 por cento- segue a ser un compromiso co desexo de que sexa un dos elementos máis destacados do outono na nosa cidade, marcado pola calidade dos traballos que acoden a él e pola profesionalidade dos seus responsables técnicos.
Unha vez máis, a Deputación séntese honrada en apoiar e participar nesta iniciativa co desexo de que o amplo e variado programa de actividades preparado para esta edición sexa do agrado da inmensa maioría dos ourensáns.
 E a nave vai... si todos soplamos e remamos na mesma dirección.
Co
meu nomeamento en 2007, o Consello Rector do
Festival integrado polo Concello de Ourense ea Deputación, expresaron a súa vontade de daren un xiro profesional
ao Festival que servise non só a Ourense como celebración
da arte cinematográfica, senón tamén a toda
Galicia e a todos os profesionais como ferramenta para o
desenvolvemento do cinema e do audiovisual galegos, decididamente
insertados no panorama europeo e internacional.
A Xunta de Galicia a
través da Consellería de Cultura e da Secretaría Xeral de Medios de
Comunicación, sempre contribuíron á consolidacion desta
iniciativa de desenvolvemento cultural, profesional e industrial do mesmo
xeito que o Instituto de las Ciencias a das Artes Audioviuais do
Ministerio de Cultura de España.
Para facer do Festival unha ferramenta de desenvolvemento cultural e industirial
como temos plantexado e como se reclama desde a U.E. necesitamos que todas as
institucións sigan remando na misma dirección. Xuntas todas co mesmo obxetivo.
A
ninguén lle escapa que, a ambición deste pequeno Festival de Ourense que
de súpeto pretende navegar, como a grande nave de Fellini, nas augas
mudantes e complexas do audiovisual internacional pode ser desmedida.
Por
eso, de momento, a nosa
proposta é a de un Festival sinxelo, ainda que sempre cumpra oc
obxetivo primordial de facer un Festival que desenvolva a
cultura e a industria audiovisual ofrecendo ao público o máis notable do
cine ao que non ten acceso ao lungo do ano e dar a oportunidade aos
profesionais de xuntarse cos creadores de oturas
latitudes para falar, discutir e disfrutar das películas máis novedosas
e controvertidas dos 4 puntos cardinais facendo do Festival un lugar de
encontro no que galegos, europeos, latinoamericanos e profesionais do
mundo podamos celebrar obradoiros, charlas e conferencias cos mási
notables creadores e expertos do audiovisual internacional.
A
Selección Oficial, tanto a competitiva como a temática
paralela, toda unha celebración da creatividade que a Unión Europea proclama este 2009
declarándoo Ano Europeo da Creatividade e a Innovación.
Para
quen vén desde outras culturas, o noso agasallo é
Panorama Galiza, a mostra paralela que exhibe o máis innovador
do cinema e audiovisual galegos.
E para
o noso público de Ourense e Galiza, que disfruten dunha extraordinaria selección de filmes
que expresan o valor e riqueza da diversidade cultural
de razas, de linguas e de xénero, que sen dúbida algunha
é a mellor contribución dos cineastas para que as
diversas culturas do mundo se comprendan entre si e compartan as súas
preocupacións, devezos e emocións máis aló
das fronteiras.
A nosa inmensa gratitude aos directores,
produtores, actores, técnicos e distribuidores de todo o mundo
que tan xenerosamente contribuíron enviándonos os seus
traballos. Sen eles sería imposíbel esta
edición.
Súbanse todos a este barco Fellinesco que é o Festival de Ourense, público, profesionais e responsables das distintas administracións , para navegar
polo bon cine e por Ourense disfrutando das súas augas termais, dos
seus viños e saudabeis comidas. Fagan amigos e co-produzan
todo o que poidan.
A nave vai... si todos soplamos e remamos na misma
dirección.
|
