PREMIOS

Os premios das seccións oficiais serán outorgados polos seus xurados, designados pola organización. Os galardóns non poderán quedar desertos nin concederse ex-aequo.

Os xurados de longametraxes e curtametraxes non poderán outorgar máis de dous premios á mesma película.

O xurado de documentais non poderá outorgar máis dun premio á mesma película.

Os premios do público serán concedidos polos espectadores, que votarán tras as proxeccións.

As decisións dos xurados e do público serán inapelábeis.

Os premios do 15 Festival serán os seguintes:

LONGAMETRAXES DE FICCIÓN

• Gran Premio Calpurnia á Mellor Película: 15.000.- Euros

• Premio do Público á Mellor Película: 5.000.- Euros

• Premio “Carlos Velo” ao Mellor Director: 4.000.- Euros

• Premio Especial do Xurado: 3.000.- Euros

• Premio “Cidade de A Coruña” ao Mellor Guión: 2.000.- Euros

• Premio á Mellor Actriz: 1.500.- Euros

• Premio ao Mellor Actor: 1.500.- Euros

DOCUMENTAIS

• Gran Premio Calpurnia ao Mellor Documental: 5 000.- Euros

• Premio do Público ao Mellor Dcumental: 2.000.- Euros
  

• Premio “Cidade de Vigo” ao Mellor Director: 2.000.- Euros

• Premio á Identidade / Diversidade Cultural (*): 2.000.- Euros

(*) Ao documental que mellor exprese os valores da identidade cultural propia, a diversidade e a comprensión entre culturas

CURTAMETRAXES DE FICCIÓN

• Gran Premio Calpurnia á Mellor Curtametraxe: 5.000.- Euros

• Premio del Público á Mellor Curtametraxe: 2.000.- Euros

• Premio ao Mellor Director: 2.000.- Euros

• Premio á Mellor Actriz: 1.000.- Euros

• Premio ao Mellor Actor: 1.000.- Euros

ANIMACIÓN

• Gran Premio á Mellor Película de Animación: 5.000.- Euros

NOVOS MEDIA

• Gran Premio á Innovación en Novos Media (*): 2.500.- Euros

(*) Ás producións audiovisuais, instalacións, creacións de video-arte, filmes para móbeis, TDT, etc. de calquera duración que, empregando formatos e técnicas non tradicionais, exploren novos xeitos de creación e comunicación

PREMIO EIXO ATLÁNTICO

• Gran Premio Eixo Atlántico (*): 3.000.- Euros

(*) Ao mellor filme producido en Galiza ou Portugal de calquera das categorías anteriores.

PREMIO HOMENAXE “TODA UNHA VIDA” Á TRAXECTORIA PROFESIONAL

O Festival, se o estima oportuno, poderá otorgar un premio / homenaxe a un/ha profesional das áreas artística ou técnica que dedicase a súa vida ao cinema e/ou ao audiovisual.

REPARTO ECONÓMICO DOS PREMIOS

LONGAMETRAXES DE FICCIÓN

• Os 15.000 Euros do Gran Premio Calpurnia á Mellor Película repartiranse do seguinte xeito: 50% para a empresa produtora e 50% para a empresa distribuidora que demostre ter adquirido, con anterioridade á data de inicio do Festival, os dereitos de exhibición cinematográfica do filme para o territorio español. En caso de non existir distribuidora en España, repartiranse ao 50% entre a empresa produtora e o director/a.

• Os 5.000 Euros do Premio do Público á Mellor Película repartiranse do seguinte xeito: 50% para a empresa produtora e 50% para a empresa distribuidora que demostre ter adquirido, con anterioridade á data de inicio do Festival, os dereitos de exhibición cinematográfica do filme no territorio español. En caso de non existir distribuidora en España, repartiranse ao 50% entre a empresa produtora e o director/a.

• Os 4.000 Euros do Premio "Carlos Velo" ao Mellor Director entregaranse integramente ao director/a do filme.

• Os 3.000 Euros do Premio Especial do Xurado repartiranse do seguinte xeito: 50% para a empresa produtora e 50% para a empresa distribuidora que demostre ter adquirido, con anterioridade á data de inicio do Festival, os dereitos de exhibición cinematográfica do filme no territorio español. En caso de non existir distribuidora en España, repartiranse ao 50% entre a empresa produtora e o director/a.

• Os 2.000 Euros do Premio “Cidade de A Coruña” ao Mellor Guión entregaranse integramente ao guionista do filme.

• Os 1.500 Euros do Premio á Mellor Actriz entregaranse integramente á súa gañadora.

• Os 1.500 Euros do Premio ao Mellor Actor entregaranse integramente ao seu gañador.

DOCUMENTAIS

• Os 5.000 Euros do Gran Premio Calpurnia ao Mellor Documental repartiranse do seguinte xeito: 50% para a empresa produtora e 50% para o director/a.

• Os 2.000 Euros do Premio do Público ao Mellor Documental repartiranse do seguinte xeito: 50% para a empresa produtora e 50% para o director/a.

• Os 2.000 Euros do Premio “Cidade de Vigo” ao Mellor Director entregaranse integramente ao director/a.

• Os 2.000 Euros do Premio á Identidade / Diversidade Cultural repartiranse do seguinte xeito: 50% para a empresa produtora e 50% para o director/a.
 
CURTAMETRAXES DE FICCIÓN

• Os 5.000 Euros do Gran Premio Calpurnia á Mellor Curtametraxe repartiranse do seguinte xeito: 50% para a empresa produtora e 50% para o director/a.

• Os 2.000 Euros do Premio do Público á Mellor Curtametraxe repartiranse do seguinte xeito: 50% para a empresa produtora e 50% para o director/a.

• Os 2.000 Euros do Premio ao Mellor Director entregaranse integramente ao director/a.

• Os 1.000 Euros do Premio á Mellor Actriz entregaranse integramente á súa gañadora.

• Os 1.000 Euros do Premio ao Mellor Actor entregaranse integramente ao seu gañador.

ANIMACIÓN

• Os 5.000 Euros del Premio á Mellor Película de Animación repartiranse do seguinte xeito: 50% para a empresa produtora e 50% para o director/a.

NOVOS MEDIA

• Os 2.500 Euros do Premio á Innovación en Novos Media entregaranse integramente ao autor/a ou director/a da obra audiovisual.

EIXO ATLÁNTICO

• Os 3.000 Euros do Premio "Eixo Atlántico" á mellor película producida en Galiza ou Portugal repartiranse do seguinte xeito: 50% para a empresa produtora e 50% para o director/a.