Sinopse
Cando en 1960 unha parella de Hartford acode á psiquiatría na procura de axuda para salvar o seu matrimonio, pouco a pouco as cousas vanse complicando. Espéralles terapia de parellas, individual e de grupo, e sesións maratonianas de 24 horas. Os 4 fillos sofren e pónselles un psiquiatra a cada un. Recéitanse pílulas e institucionalízase a algún deles. Esta é a historia privada da familia nas súas propias palabras, a partir dunha extraordinaria recompilación de cintas de audio e películas caseiras, iluminando un periodo difícil e extraordinario.

Premios

• 1ª Mención Especial en Punto de Vista (2008)

Morgan Dews

Biografía
Este director e artista pasa o seu tempo entre Barcelona e Nova York. Gravou varios discos co seu grupo musical EASY (cuxos videoclips dirixiu el mesmo). Actualmente traballa na novelización visual das súas viaxes por Europa a partir das súas gravacións persoais.

Selección de filmografía

• Elke's Visit (2005)