Nas últimas semanas, realizadores de todo o mundo envían os seus traballos ao Festival de Cine Internacional de Ourense. Dende o OUFF queremos agradecerlles o interese en presentar as obras no noso certame e compartilas co noso público. Lamentablemente, por razóns alleas á vontade do equipo, non se convocaron as bases do concurso nin se ten habilitado o formulario de inscrición online, como planeáramos. A estas alturas de 2012 non podemos asegurar que se celebre o 17OUFF, pero loitaremos por que así sexa. Permanecede atentos para coñecer as últimas novidades, das que iremos informando puntualmente a través das nosas canles de comunicación.