La odisea de los giles

SEBASTIÁN BORENSZTEIN. Guionista e director de cine arxentino, está titulado de Ciencias da Comunicación na Universidade do Salvador e formado como director de actores na escola de Augusto Fernandes. É o responsable do guión e a dirección de case tódolos seus proxectos e foi pioneiro na realización de unitarios, un tipo de series de televisión con tratamento cinematográfico. En 2001 foi distinguido co premio Konex como un dos cinco mellores directores de televisión da década. En 2005 concentrou a súa carreira no cine. A súa ópera prima “La suerte está echada” valeulle varios premios internacionais, entre eles, o premio Descubrimento da Crítica Francesa, no Festival de Cinema Latinoamericano de Toulouse. Máis adiante rodou “Sin memoria” e logo chegaría “Un cuento chino”, protagonizada por Ricardo  Darín e que gañou o Goya á mellor película latinoamericana e varios premios no Festival internacional de Roma.