Portrait de la jeune fille en feu

CÉLINE SCIAMMA. Nada en Francia, Céline Sciamma estudou en La Fémis, unha das institucións de cinematografía máis prestixiosas do país, e foi discípula do cineasta Xavier Beauvois. Tras varias experiencias no mundo das curtas, rodou a súa primeira longametraxe, “Naissance deas pieuvres” (“Water Lilies”) no 2007, co que logrou o premio do público do Festival Internacional de Cinema de Atenas e un gran éxito de crítica en todo o país. A súa consagración como un dos grandes talentos emerxentes do cinema francés chegou catro anos despois con “Tomboy”, película premiada no Festival de Berlín e en Bos Aires, entre outros. Os seus seguintes traballos como directora foron “La banda de las chicas” (2014) e “Retrato de una mujer en llamas” (2019), que recibiu o premio ao mellor guión en Cannes.