Ourense, 15 de setembro -. O xurado desta nova edición do OUFF Escola reuniuse a pasada mañá para falar e decidir cales son os premiados deste certame que busca impulsar o uso do idioma galego entre a mocidade, coñecer a visión desta sobre a súa contorna sociocultural e fomentar a creatividade audiovisual e o traballo en equipo, nunha linguaxe atractiva para o alumnado, que contribúa a xerar un espírito crítico.
O xurado do OUFF Escola, certame organizado pola Concellaría de Educación do Concello de Ourense en colaboración coa Secretaría Xeral de Política Lingüística da Xunta de Galicia e o propio OUFF, está composto por:
- Nora Sola: xornalista, empresaria e ex directora do Festival Internacional de Cine de Ourense. Presidenta do xurado OUFF Escola 2021.
- César Silva: xornalista, director de programación e Coordinación do OUFF.
- Fernando González: actor, músico e compositor.
- Manoli Maseda: doctora en Educación e actual coordinadora en Dinamización da Política Línguística.
- Gregorio Ferreiro Fente: profesor de Secundaria e actual asesor da Secretaría Xeral de Política Língüística da Xunta.
Os gañadores daranse a coñecer nunha gala que terá lugar o vindeiro 27 de setembro a partires das 11 horas no Auditorio Municipal de Ourense.