Horario: 22:00h |
Lugar: Cineclube Padre Feijóo
Unha variada representación do ecosistema xerado en torno ao maior e máis practicado xogo de estratexia baseado en cartas coleccionables, Magic the Gathering, expón e comparte de forma persoal e individual as súas vivencias pasadas, condición actual e visión de futuro para cun xogo que día tras día, non deixa de crecer. Cando te envorcas plenamente con algo, unha afección pode converterse en moito máis que un xogo.
Ficha técnica
Dirección, Producción, Montaxe: Marcos Fernández Vázquez
Interpretes: Documental
Duración: 98 Minutos
Sobre o director
Marcos Fernández (Ourense, 1979)
Autodidacta e polifacético por natureza. Creador por vocación. Ás veces xoga a ser director de cinema. Dálle cinco palabras e construirache un mundo. Para erixir universos, é posible que tarde un pouco máis. Atesoura varios premios, galardóns e recoñecementos polas súas creacións artísticas, audiovisuais e literarias. Dirixe unha canle de Youtube desde 2006. Ata a data, participou con dez obras cinematográficas en oito edicións do Festival Internacional de Cinema de Ourense ( OUFF).